Նուռնուսն այն համայնքներից է, որը նոյեմբերի 5-ի ընտրություններին կմիավորվի Բյուրեղավանին: Քարոզարշավի շրջանակներում Բյուրեղավան համայնքի ղեկավարի թեկնածու Հակոբ Բալասյանին նուռնուսցի ընտրողները սպասում էին դպրոցի բակում: Հանդիպումը գյուղացիների հետ կայացավ ջերմ և հարց ու պատասխանի շրջանակներում: Թեկնածու Հակոբ Բալասյանին աջակցում է Նուռնուսի գյուղապետ Մնացական Գևորգյանը, ով համանքի ղեկավար է 2009 թվականից: Ինչպես հանրապետության մյուս գյուղական բնակավայրերը, Նուռնուսը ևս ունի բազմաթիվ խնդիրներ, ինչին արդեն ծանոթ է Հակոբ Բալասյանը: « «Ես չեմ եկել խոստումներ տալու, ինչ կարող եմ անել օրենքի և իմ հնարավորության սահմաններում բնականաբար կանեմ: Ինձ ևս կարող եք համարել ինչ որ չափով նուռնուսցի: Մինչ քաղաքապետ լինելս, նաև քաղաքապետ լինելուց հետո, շփումներ եղել են ձեր համայնքի հետ: Տիրապետում եմ այն պրոբլեմներին որոնք առկա են գյուղում՝ խմելու և ոռոգման ջրի խնդիր, ընդհանուր ճանապարհների բարեկարգում, գազաֆիկացում մինչև թաղամասեր և այլն: Վստահեցնում եմ ձեզ, ինչքան աշխատեմ հաստատ համոզված եղեք, դրական փոփոխություններ կտեսնեք: Ընտրվելուց հետո կգամ, կհանդիպեմ ձեզ, կխնդրեմ որպեսզի համախմբված լինեք, այդ դեպքում մենք կունենանք երևացող արդյունքներ: Բնակավայրերում լինելու են ներկայացուցիչներ, իմ ընտրվելու դեպքում ես աշխատելու եմ Մնացական Գևորգյանի հետ, ով լավ ծանոթ է գյուղի պրոբլեմներին»,- ասում է Հակոբ Բալասյանը և հորդորում ներկաներին ակտիվ մասնակցել առաջիկա ընտրություններին: Մնացական Գևորգյանը ը ևս դիմեց նուռնուսցիներին.- « Խնդրում եմ բոլորս մասնակցենք և մեր քվեն տանք Բալասյանին, իսկ ավագանու թեկնածուներից ՝ ում արժանի կգտնեք, ով հետագայում կկարողանա իր նախաձեռնություններով գյուղին օգնել»:

29.10.17