Փետրվարի 13-ին Հայ առաքելական եկեղեցին նշում է Տյառնընդառաջը, որը Հայոց եկեղեցու տոներից է։ Տյառնընդառաջի տոնը համընկնում է Քրիստոսի աստվածահայտնությունից (հունվարի 6) քառասուն օր հետո ժամկետին և նշանակում է <<ելնել Տիրոջն ընդառաջ>>: Հայոց Եկեղեցու կանոնի համաձայն` տոնի նախօրեին` երեկոյան ժամերգությունից հետո, կատարվում է նախատոնակ։ Այն ավետում է Տերունի տոնի սկիզբը։ Սովորաբար նախատոնակի արարողության ավարտին կատարվում է Անդաստանի արարողություն, որի ընթացքում օրհնվում են աշխարհի 4 ծագերը։ Անդաստանին հաջորդում է մոմերի օրհնության արարողությունը։ Եկեղեցուց վերցրած կրակով եկեղեցիների բակերում վառվում են խարույկներ` իբրև Քրիստոսի լույսի խորհրդանիշ և այդ խարույկների վրայով ցատկում են նորապսակ զույգերը: Տյառնընդառաջի օրն առաջին անգամ Բյուրեղավանի քաղաքապետարանը կազմակերպել էր քաղաքային շքեղ տոնախմբություն: Քանի որ քաղաքում դեռևս չկա եկեղեցի և այս պահին ընթանում է Սուրբ Մարիամ Աստվածածին եկեղեցու շինարարական աշխատանքը, միջոցառումը տեղի ունեցավ քաղաքապետարանի դիմահայաց հրապարակում, որը կոչվում է երջանկահիշատակ Վազգեն Ա Վեհափառի անունով: 15 նորապսակներ իրենց հարազատների հետ մասնակցեցին Տրնդեզի արարողակարգին: Քաղաքապետ Հակոբ Բալասյանը շնորհավորեց նորապսակ զույգերին, մաղթեց անսահման սեր ու երջանկություն.<<Սիրելի նորապսակներ շնորհավորում եմ Ձեզ այս գեղեցիկ տոնի կապակցությամբ: Թող խաղաղություն թևածի բոլորիդ նորաստեղծ օջախներում>>: Քաղաքապետ Հակոբ Բալասյանի կողմից նորապսակները ստացան նվերներ, ծաղիկներ և օրվան համապատասխան մոմեր ու տարոսիկներ: Տեր Արսեն քահանա Համբարձումյանի կողմից կատարվեց օրհնության կարգ, որ սկսվեց <<Հայր մեր>> աղոթքով: Տեր հայրը շնորհակալություն հայտնեց քաղաքապետին այս նախաձեռնության համար. <<Դեռևս չունենալով եկեղեցի կարողանում եք պահել ու պահպանել եկեղեցական ու ժողովրդական տոները: Սա շատ կարևոր ու ողջունելի քայլ է: Շնորհավորում եմ, Աստված բոլորիս պահապան>>: Օրհնության կարգից հետո տեղի ունեցավ խարույկավառությունը: Օրվա հերոսները պտտվեցին խարույկի շուրջ և ցատկեցին կրակի վրայով: Միջոցառման համերգային մասն ապահովեցին քաղաքի երիտասարդ կատարողներն ու արվեստի դպրոցի պարուհիները: Միջոցառումն այսուհետ կդառնա ավանդույթ: Ն.Ս.Օ.Տ.Տ Գարեգին Բ Ամենայն հայոց կաթողիկոսի տնօրինությամբ Տյառնընդառաջի տոնի օրը հռչակվել է նաև Նորապսակների օրհնության օր:
Փետրվարի 13-ին Հայ առաքելական եկեղեցին նշում է Տյառնընդառաջը, որը Հայոց եկեղեցու տոներից է։ Տյառնընդառաջի տոնը համընկնում է Քրիստոսի աստվածահայտնությունից (հունվարի 6) քառասուն օր հետո ժամկետին և նշանակում է <<ելնել Տիրոջն ընդառաջ>>: Հայոց Եկեղեցու կանոնի համաձայն` տոնի նախօրեին` երեկոյան ժամերգությունից հետո, կատարվում է նախատոնակ։ Այն ավետում է Տերունի տոնի սկիզբը։ Սովորաբար նախատոնակի արարողության ավարտին կատարվում է Անդաստանի արարողություն, որի ընթացքում օրհնվում են աշխարհի 4 ծագերը։ Անդաստանին հաջորդում է մոմերի օրհնության արարողությունը։ Եկեղեցուց վերցրած կրակով եկեղեցիների բակերում վառվում են խարույկներ` իբրև Քրիստոսի լույսի խորհրդանիշ և այդ խարույկների վրայով ցատկում են նորապսակ զույգերը: Տյառնընդառաջի օրն առաջին անգամ Բյուրեղավանի քաղաքապետարանը կազմակերպել էր քաղաքային շքեղ տոնախմբություն: Քանի որ քաղաքում դեռևս չկա եկեղեցի և այս պահին ընթանում է Սուրբ Մարիամ Աստվածածին եկեղեցու շինարարական աշխատանքը, միջոցառումը տեղի ունեցավ քաղաքապետարանի դիմահայաց հրապարակում, որը կոչվում է երջանկահիշատակ Վազգեն Ա Վեհափառի անունով: 15 նորապսակներ իրենց հարազատների հետ մասնակցեցին Տրնդեզի արարողակարգին: Քաղաքապետ Հակոբ Բալասյանը շնորհավորեց նորապսակ զույգերին, մաղթեց անսահման սեր ու երջանկություն.<<Սիրելի նորապսակներ շնորհավորում եմ Ձեզ այս գեղեցիկ տոնի կապակցությամբ: Թող խաղաղություն թևածի բոլորիդ նորաստեղծ օջախներում>>: Քաղաքապետ Հակոբ Բալասյանի կողմից նորապսակները ստացան նվերներ, ծաղիկներ և օրվան համապատասխան մոմեր ու տարոսիկներ: Տեր Արսեն քահանա Համբարձումյանի կողմից կատարվեց օրհնության կարգ, որ սկսվեց <<Հայր մեր>> աղոթքով: Տեր հայրը շնորհակալություն հայտնեց քաղաքապետին այս նախաձեռնության համար. <<Դեռևս չունենալով եկեղեցի կարողանում եք պահել ու պահպանել եկեղեցական ու ժողովրդական տոները: Սա շատ կարևոր ու ողջունելի քայլ է: Շնորհավորում եմ, Աստված բոլորիս պահապան>>: Օրհնության կարգից հետո տեղի ունեցավ խարույկավառությունը: Օրվա հերոսները պտտվեցին խարույկի շուրջ և ցատկեցին կրակի վրայով: Միջոցառման համերգային մասն ապահովեցին քաղաքի երիտասարդ կատարողներն ու արվեստի դպրոցի պարուհիները: Միջոցառումն այսուհետ կդառնա ավանդույթ: Ն.Ս.Օ.Տ.Տ Գարեգին Բ Ամենայն հայոց կաթողիկոսի տնօրինությամբ Տյառնընդառաջի տոնի օրը հռչակվել է նաև Նորապսակների օրհնության օր: