Նորընտիր ավագանու նիստը |
Բյուրեղավան համայնքի նորընտիր ավագանու առաջին նիստը տեղի ունեցավ նոյեմբերի 18-ին: Համայնքապետարանի աշխատակազմի քարտուղար Լաուրա Ալեքսանյանն անցկացրեց ներկա ավագանու անդամների գրանցում: Օրակարգում ներառված էին հարցեր՝ ամենատարբեր ուղղություններով: Մինչ օրակարգի հարցերին անցնելը կատարվեց նորընտիր ավագանու երդման արարողությունը: Համայնքի ղեկավար Հակոբ Բալասյանը շնորհավորեց ավագանու նորընտիր կազմին և վստահություն հայտնեց, որ շարունակելու են աշխատել համախմբված ու միասնական. «Շնորհավորում եմ բոլորիդ ընտրվելու կապակցությամբ: Ցանկանում եմ համատեղ բեղմնավոր աշխատանք՝ ի շահ մեր քաղաքի ու ազգաբնակչության, նրա զարգացման ու բարգավաճման: Վստահ եմ, որ շարունակելու ենք աշխատել այնպես, ինչպես աշխատել ենք՝ համախմբված ու միասնական, շատ պարզ ու ջերմ մարդկային հարաբերություններում: Բոլոր հարցերը քննարկելու ենք համատեղ, բոլոր հարցերը լինելու են գործող օրենսդրության շրջանակներում»: Շնորհավորելուց հետո քաղաքապետը ներկայացրեց է օրակարգը: Օրակարգում՝ 1) Հայաստանի Հանրապետության Կոտայքի մարզի Բյուրեղավան համայնքի ավագանու կանոնակարգն ընդունելու մասին 2) Համայնքային ծառայության մրցութային և ատեստավորման հանձնաժողովի կազմում ընդգրկվող ավագանու անդամների քանակական և անհատական կազմը հաստատելու մասին 3) Բյուրեղավանի համայնքի խնամակալության և հոգաբարձության հանձնաժողով ստեղծելու, քանակական և անհատական կազմը հաստատելու մասին 4) Բյուրեղավան համայնքի ղեկավարին կից խորհրդակցական մարմինների կազմերում ավագանու ներկայացուցիչներ առաջադրելու մասին 5) Բյուրեղավանի քաղաքային համայնքի ավագանու 2016թվականի սեպտեմբերի 9-ի N 69- Ա որոշման մեջ փոփոխություններ կատարելու մասին 6) Բյուրեղավան համայնքի 2016-2021թվականների հնգամյա ծրագիրը հաստատելու մասին 7) «Բյուրեղավանի քաղաքային պոլիկլինիկա» փակ բաժնետիրական ընկերությունը Անդրանիկ Պետրոսյանի անունով անվանակոչելու մասին 8) Բյուրեղավանի քաղաքային համայնքի ավագանու 2012 թվականի նոյեմբերի 29-ի N176-Ն որոշումն ուժը կորցրած ճանաչելու մասին 9) Բյուրեղավանի քաղաքային համայնքի ավագանու 2012 թվականի նոյեմբերի 29-ի N177-Ա, N178-Ա, 2016թվականիմայիսի 30-ի N 52- Ա որոշումներն ուժը կորցրած ճանաչելու մասին: Բոլոր հարցերն ընդունվեցին միաձայն: 21.11.16. |