Բյուրեղավան համայնքի գրեթե բոլոր շենքերի բակերում տեղադրված են կարուսելներ: Դրանց թիվն անցնում է 100-ը: Բացի այն, որ ամեն տարի դրանց թիվն ավելանում է, նաև վերանորոգվում ու ներկվում են նախորդ տարիներին տեղադրված խաղային միջոցները, իսկ կոտրվածները՝ ապամոնտաժվում: Այսօր յուրաքանչյուր բակում տեղադրված է 4-ից մինչ 6 կարուսել, իսկ այն բակերում, որտեղ դրանց թիվը ավելի քիչ է «Բարեկարգում և կանաչապատում» ՀՈԱԿ-ի տնօրեն Հայկ Եղյանը նշում է՝ պատճառը ավտոտնակների առկայությունն է, ինչն այս պարագայում խանգարող հանգամանք է ( 1-ին, 8, 20, 25, 32 շենքեր): Ի ուրախություն 11 և 47 շենքերի փոքրիկների, ավելացվել ու տեղադրվել են նոր կարուսելներ՝ նավակ, նժույգ, սղարան, ճոճանակ: Հայկ Եղյանի խոսքերով՝ այս տարի կարուսելներ ձեռք բերելու համար ծախսվել է 515 հազար դրամ: Այն փոքրիկները, ովքեր իրենց ամառային հանգիստն անցկացնում են տանը լիարժեք հնարավորություն ունեն ժամանցը կազմակերպել հենց իրենց շենքի բակում: Բոլոր աշխատանքներն իրականացվում են համայնքի ղեկավարի անմիջական հսկողության ներքո: Մնում է բնակիչները սրտացավ մոտեցում ցուցաբերեն և կարուսելները չվերածեն ջարդոնի:

14.07.17