Հայաստանը բոլորի համար դարձնել գրավիչ և հարմարավետ, սա ՀՀ կառավարության կողմից նախաձեռնած <<ՄԱՔՈՒՐ ՀԱՅԱՍՏԱՆ>> ծրագրի կարգախոսն է: Ծրագրի շրջանակներում կազմակերպված այս տարվա առաջին համապետական շաբաթօրյակը ապրիլի 14-ին է: Բյուրեղավան համայնքում շաբաթօրյակի նախապատրաստական աշխատանքները սկսել էին օրեր առաջ: Համայնքի ղեկավար Հակոբ Բալասյանի գլխավորությամբ քննարկվել և աշխատանքային հստակ ծրագիր էր մշակվել: Բոլորը նախապես տեղեկացվել էին: Այսօրվա շաբաթօրյակին մասնակցում էին Բյուրեղավան քաղաքի, Ջրաբեր, Նուռնուս բնակավայրերի կրթական, մարզական , առողջապահական հաստատությունները, տնտեսվարող սուբյեկտները և համայնքի մաքրությամբ մտահոգ մարդիկ: Բաժանվել էր տոպրակներ, պարկեր, ձեռնոցներ և այլ անհրաժեշտ պարագաներ: Շաբաթօրյակի ողջ ընթացքին հետևում և անմիջական մասնակցություն էր ունենում համայնքի ղեկավար Հակոբ Բալասյանը: Շրջայցի շրջանակներում այցելեց Նուռնուս և Ջրաբեր՝ հիմնականում դպրոցներ: Բյուրեղավան քաղաքում հետևեց ողջ ընթացքին՝ խրախուսելով և խորհուրդներով ոգևորելով մասնակիցերին: Շաբաթօրյակի շրջանակներում կազմակերպվեց նաև ծառատունկ: Տնկվեց 225 դեկորատիվ ծառ, արծաթափայլ եղևնի և վարդի թփեր: Համայնքի ղեկավար Հակոբ Բալասյանն իր թոռան` Հակոբի հետ, իրենց օրինակով ծառատունկը վերածեցին հատուկ արարողության: Շաբաթօրյակն ընդհանուր առմամբ անցավ ակտիվ և աշխույժ մթնոլորտում: Նուռնուս բնակավայրում շեշտը դրված էր 7-րդ դարի պատմամշակութային արժեք հանդիսացող տարածքի մաքրության վրա: Համախմբված , կազմակերպված աշխատանքի արդյունքում մաքրվեցին հանրային տարածքներ, բակային հատվածներ, ճանապարհներ:

14.04.18