Բյուրեղավան քաղաքում մեկնարկել է այս տարվա սուբվենցիոն ծրագրով նախատեսված ասֆալտապատման և փոսալցման աշխատանքները: Աշխատանքներն իրականացվում են ՀՀ կառավարության 2019թ-ի սուբվենցիոն ծրագրի շրջանակներում՝ պետություն- համայնք համաֆինանսավորմամբ: Ծրագրի նախահաշվային արժեքը կազմում է մոտ 85 մլն դրամ: Վերոնշյալ ծրագրի համաֆինանսավորման չափը ՀՀ պետական բյուջեից կազմում է մոտ 38 մլն դրամ, մնացած գումարը տրամադրվելու է համայնքի բյուջեից: Նախատեսված ծրագրով ասֆալտապատվելու են Բյուրեղավան քաղաքի Հայրենադարձ թաղամասի ճանապարհը, 1-ին թաղամասի ճանապարհը, մշակույթի տան հարակից ճանապարհը, Վազգեն Սարգսյան փողոցի մայթերը, Վազգեն Սարգսյան փողոցի՝ 20-րդ շենքից մինչև ուսումնարանի տարածքը, Սամվել Վարդանայան փողոցի մայթերը և զբոսայգու հետիոտնային ճանապարհների հիմնանորոգումը: Աշխատանքներն ընթացքի մեջ են, զբոսայգու հետիոտնային ճանապարհներն արդեն ասֆալտապատվել և հիմնանորոգվել են: Կապիտալ ասֆալտապատվելու է 1-ին թաղամասը և այլն: Համայնքի ղեկավար Հակոբ Բալասյանն այսօր կապալառու ընկերության ներկայացուցչի հետ եղավ քաղաքի այն հատվածներում, որտեղ այս պահին իրականացվում են ճանապարհների քանդման և հարթեցման աշխատանքներ: Համայնքի ղեկավարը տեղում ծանոթացավ աշխատանքների ընթացքին: Ցուցումներ տվեց, որից հետո շինարարներից պահանջեց որակով աշխատանք:

22.08.19