Աթլետները պարգևատրվեցին |
Օրերս Բյուրեղավանի մարզադպրոցի թեթև աթլետ մարզաձևի աղջիկները` մարզիչ Գևորգ Պողոսյան, մասնակցել են Արմավիրում կայացած Գևորգ Չաուշի անվան 2017թ-ի աթլետիկայի ավանդական անհատական հանրապետական 28-րդ բաց առաջնությանը: Առաջնության հաղթողների մեդալների հանձնման արարողությունը տեղի ունեցավ Բյուրեղավանի մարզադաշտում: Պարգևատրումները կատարեց մարզադպրոցի փոխտնօրեն Հարություն Ծատրյանը: Առաջնությանը մասնակցել են Բյուրեղավան, Երևան, Մասիս, Մեծամոր քաղաքների թվով 60 մարզուհիներ, որոնցից 17-ը ներկայացնում էին Բյուրեղավան համայնքը: Այս մրցաշարում ևս մերոնք հաջողություններ գրանցեցին: Մարզիչ Գևորգ Պողոսյանի խոսքերով` ընդհանուր առմամբ մեր թիմը մասնակցել է բավականին լավ և նվաճել մրցանակներ ու պատվավոր տեղեր: Տարբեր տարիքային խմբերում մեր մրցանակակիրները վեցն են՝ 2000-2002թթ Քրիստինե Ղուկասյան` 1-ին տեղ 2003-2005թթ Քրիստինե Բախշյան` 2-րդ տեղ 2000-2002թթ Նենսի Ավանեսյան` 3-րդ տեղ 2003-2005թթ Ալվինա Եպիսկոպոսյան` 3-րդ տեղ 2003-2005թթ Մերի Հովակիմյան` 3-րդ տեղ 2000-2002թթ Լուսինե Ղուկասյան` 3-րդ տեղ: Այս մրցաշարում Բյուրեղավանի մարզադպրոցի թեթև աթլետիկայի մարզիչ Գևորգ Պողոսյանը պարգևատրվել է Գևորգ Չաուշի հուշամեդալով: 26.04.17 |